აღმოსავლეთ აზერბაიჯანის ოსთანი

აღმოსავლეთ აზერბაიჯანის ოსთანი, ირანის 31 ოსთანიდან ერთ-ერთია. მდებარეობს ირანის ჩრდილო-დასავლეთ ნაწილში და ესაზღვრება სომხეთსა და აზერბაიჯანის რესპუბლიკას. ესაზღვრება არდებილის, დასავლეთი აზერბაიჯანის და ზენჯანის ოსთანები.  ადმინისტრაციული ცენტრია ქალაქი თავრიზი. მოსახლეობა შეადგენს 3 909 652 ადამიანს (2017 წლის მონაცემებით). აღმოსავლეთი აზერბაიჯანის ოსთანში ყველაზე გავრცელებული ენაა აზერბაიჯანული და სპარსული.

აღმოსავლეთ აზერბაიჯანის ოსთანის ტერიტორიაზეა საჰანდის ვულკანური მასივი, რომლის ყველაზე მაღალი წერტილია მწვერვალი ჰარამდაღი (3,707 მ). საჰანდის მასივი წარმოადგენს ელბურსის მთიანეთის ნაწილს. გადაჭიმულია დასავლეთიდან აღმოსავლეთისაკენ. ოსთანის კლიმატი მრავალფეროვანია, ძირითადად, ზამთარი ცივია და გრძელი, ხოლო ზაფხული კი თბილი და ზოგჯერ ცხელიც.