წმინდა სტეფანეს სომხური მონასტერი აღმოსავლეთ აზერბაიჯანის ოსთანში ქალაქ ჯულფადან ჩრდილო-დასავლეთით 17 კმ.-ში, მდინარე არაქსის ხეობაში მდებარეობს. აშენებულია IX საუკუნეში. მონასტერი ასწლეულების მანძილზე ადამიანური თუ ბუნებრივი ფაქტორით გამოწვეული კატაკლიზმების შედეგად არაერთხელ დაზიანებულა; ის რამდენჯერმე აღადგინეს სომხური კულტურული და არქიტექტურული ტრადიციების შესაბამისად. 2008 წელს, მონასტერი იუნესკომ მსოფლიო მემკვიდრეობის ნუსხაში შეიტანა.
