ჩალაბიოღლუს მავზოლეუმი მდებარეობს ზენჯანის ოსთანში, ქალაქ სოლთანიეში, ცნობილი სოლთანიეს მეჩეთის სიახლოვეს. რვაკუთხედის ფორმის ეს ისტორიული ძეგლი, 1259–1284 წლებში, ილხანიდების ხანაში არის აგებული. წარწერების თანახმად, მავზოლეუმი ილხანიდების პერიოდის მისტიკოსის, შეიხ ბარაყბაბას სამარხს წარმოადგენს. ჩალაბიოღლუს მავზოლეუმის სიმაღლე 16 მეტრია, ხოლო სიგანე 6 მეტრი. შენობა რეგისტრირებულია ირანის ეროვნული ძეგლების ნუსხაში.
