ორუჯის აბანო მდებარეობს გულისტანის ოსთანში, ქალაქ რამიანში, ქოჰნებაზარის ძველ უბანში. აბანო გვიანყაჯარული ეპოქის ძეგლია და თარიღდება მოზაფარადდინ შაჰის მეფობის დასაწყისით. ორუჯის უძველესი საზოგადოებრივი აბანოს გეგმა კვადრატულია, მის ასაშენებლად კი გამოყენებულია აგური, ქვა და დუღაბი (ცემენტის ერთგვარი ხსნარი). აბანოს აქვს ორი შესასვლელი, 12 თაღი, გუმბათოვანი გადახურვა (8 გუმბათი), სამი გამოსაცვლელი ოთახი, მთავარი დარბაზი, ცხელი და ცივი წყლის აუზები.
