საპორტო ქალაქი ქონგ-ი ირანის სამხრეთით, ჰორმოზგანის ოსთანში მდებარეობს. წარმოადგენს ბანდერ-ლენგეს შაჰრესთანის ნაწილს. მოსახლეობის სიმრავლით, მერვე ქალაქია პროვინციაში. ქალაქის მიმდებარედ, შემაღლებულ გორაკებზე შემორჩენილია სამიათასი წლის წინანდელი ქალაქის ნაშთები, რომელიც სავარაუდოდ, ან ხანძრის, ან მიწისძვრის შედეგად განადგურდა. ზუსტი ცნობები ამ ძველი ქალაქის ისტორიის შესახებ არ მოიპოვება.
