ალმასის დარბაზი მდებარეობს გოლესტანის სასახლის სამხრეთ ფრთაში. დარბაზს „ალმასის“ სახელი დაერქვა მასში სარკით მოპირკეთების გამორჩეული ტექნიკის გამო, რაც მას განსაკუთრებულ ბრჭყვინვალებას სძენს. ამ დარბაზის მშენებლობა ჯერ კიდევ ფათჰ ალი შაჰის დროიდან იწყება. ნასრედინ შაჰის დროს დარბაზს იერსახე შეეცვალა. დარბაზის ყველაზე ძველი დეკორაცია, სამხრეთ აივნის კარის, სარკით მოპირკეთებული მუყარნასებია.
