იმამზადე სალეჰი, ერთ-ერთი ყველაზე პოპულარული შიიტური სალოცავია თეირანში. მდებარეობს თაჯრიშის მოედანზე, თეირანის ჩრდილოეთ შემირანის რაიონში. აქ დაკრძალულია იმამ მუსა ქაზემის შვილი, იმამზადე სალეჰი. იმამზადეს სალეჰის მეჩეთი, 1973 წელს, სარეგისტრაციო ნომრით 909, შეტანილი იქნა ირანის ეროვნული ძეგლების ნუსხაში. ამ სალოცავს ყოველდღიურად დაახლოებით 30 ათასი მომლოცველი სტუმრობს.
