სამზარეულოსათვის გამოყოფილი შენობა, ცნობილი იყო როგორც ”სპეციალური, განსაკუთრებული სამზარეულო”, ფეჰლევების მმართველი დინასტიის მეორე წარმომადგენლის, მუჰამედ რეზა შაჰის დროს. სამზარეულოს ფართობი 800 კვ. მეტრია და მდებარეობს საადაბადის ბაღის ცენტრალურ ნაწილში, მდინარე დარბანდის ნაპირას. ახლანდელი შენობის მშენებლობის და რეკონსტრუქციის თარიღი სწორედ მუჰამედ რეზა შაჰის მმართველობის პერიოდს უკავშირდება. სამზარეულო თეთრ სასახლეს ემსახურებოდა. სამზარეულო აღჭურვილი იყო იმ დროისათვის ტექნიკის უახლესი საშუალებებით.
